قصيدة / علي جمر نار

علي جمر نار أنا مش نبي
أو بامتلك حبة كرامة ابقي وَلي
أنا عكس دُول
وبَغُب ديما فِ الذلل
وادي المعاصي تشكي مني عن جلل
ياه من معاصي تبني ١٠٠ مليون جبل
ديما محوط عَ الخراب
وأكني راغب فِ العذاب
وان وصفوا حالي ابقي غراب
داير يحوم حول الحمي
وما خدش منها الا العمي

علي جمر نار محتاج مساعدة من السما
تطفي نيران متأججة
من فِرْيَة كات ضاربة بجذورها،،،،،،
متأصلة
بركان وزلزل حَينا
غطي جذورنا للأبد
حتي البعيد،،،،،،،،،،،
هطوله يوم حمم النجس
والكل في وسط الحدث
ع بؤرته متسلطة

علي جمر نار نفذت بصيرتي وقوتي
وما عاد ف قلبي الاك يا رب
يستر بقيتي اللي انبري
مَ انت نصيري يوم مَ تِخْرَي قوتي
وانت الأمل بعد مَ غابت عنا المرؤة
واتحجرت ،،،،،
واتبلدت،،،،،،،،
وأكني صرت قطعة حجر
والكل حاد عن الصراط
والعسرة زادت،،،،،،،،،،،،،
وما عدت قادر عَ الحياة
ألا بفتح من السما
لطف اللطيف يقلب هنا
لطف اللطيف يقلب هنا